Steinbergdalshytta
Høgt til fjells i Aurlandsdalen, 1070 meter over havet, ligg Steinbergdalshytta – ei historisk turisthytte med røter heilt tilbake til 1895. Omgitt av storslått natur og ope fjellandskap er hytta ein stad der ein kan finne ro, nærleik og ekte fjellopplevingar.
Her blir gjestene møtte med varm gjestfridom, god mat og enkle, trygge rammer for opphald i fjellet.
Hytta har rundt 50 sengeplassar fordelte på 16 rom, og romslege stover og spisesal med rustikk hyttekos. Den lange historia gjer staden godt eigna både for kvardagsopphald og samlingar.
Mange gjester omtalar Steinbergdalshytta som ein destinasjon i seg sjølv. Området byr på fjellturar i ulik lengd, ørretfiske, teltovernatting, stiløping og småviltjakt. Vinterstid er terrenget godt eigna for fjellski, rolege toppturar, trugeturar og isfiske, det er òg mogleg å arrangere hundekøyring.
Steinbergdalshytta ligg om lag halvvegs på vandreruta mellom Finse og Vassbygdi, og er lett tilgjengeleg både til fots og med bil eller buss.
Mellom Geiterygghytta og Steinbergdalshytta kan du velje ei kort rute på om lag 10 kilometer, eller ein lengre dagstur på rundt 20 kilometer via Kongshelleren når vêret og føret ligg til rette. Vidare mot Østerbø har du same val: ei kort rute på 10 kilometer, eller ei godvêrsrute på om lag 15 kilometer gjennom Findalen og ned Sauavaddalen.
Hytta er open året rundt, i lågsesong etter avtale.
Steinbergdalshytta
Besøksadresse:
Stemmerdalsvegen 3, 5745 Aurland
Postadresse: postboks 27, 5741 Aurland
Eier: Solveig Kvakestad
Telefon: 46287352
E-post: post@steinbergdalshytta.no
https://www.steinbergdalshytta.no/
